Најдобриот австриски ски-скокач Штефан Крафт победи на вториот ден од ски-скоковите во Светскиот куп што се одржа на скокалницата во Трондхајм, Норвешка. Тој денеска ја обезбеди негова 12-та победа во сезоната и практично го обезбеди Големиот кристален глобус.
На четири натпревари до крајот на сезоната, Крафт има 1.883 поени, 303 повеќе од второпласираниот Кобајаши од Јапонија, кој денеска беше само 14-ти, откако вчера победи на малата скокалница во Трондхајм.
42-та поединечна победа на Крафт во Светскиот куп му ја донесоа скоковите од 137,5 и 134 метри. Втор заврши неговиот сонародник Даниел Цофениг (135 и 132,5 м.), кој се уште ја чека првата победа, а австриската доминација ја заокружи и третопласираниот Јан Херл.
