Тренерот на Атлетико Мадрид, Диего Симеоне, беше во екстаза по победата на пенали над Интер и пласманот на неговиот тим во четврт-финалето на Лигата на шампионите. Тој изрази благодарност до навивачите на тимот, кои одиграа огромна улога во успехот на овој натпревар.
„Им се восхитувам на нашите навивачи – пречекот што ни го приредија, од моментот кога пристигнавме на стадионот, беше многу емотивен. Претходно одигравме лош натпревар против Кадиз, па се обидов да ги убедам моите играчи дека не треба да очекуваат голема поддршка од трибините, а мора да се дадат за да го заслужат тоа“, изјави Симеоне и продолжи:
“Нашите поддржувачи имаат огромно влијание на нашиот стадион. Целиот свет може да го види тоа. Публиката им помогна на играчите да пораснат против овој неверојатен противник. Коке го остави срцето на теренот, Гризман не престана да трча додека не можеше да се движи. Веќе Мемфис влезе од клупата и докажа дека навистина ни е потребен. Тоа беше она што ни требаше за да успееме. Да се биде меѓу најдобрите осум можеби звучи лесно, но не е“, додаде Аргентинецот.
