Екипите на Струмица 47&72 и на Работнички Скопје ќе ги бранат трофеите од Купот во македонската одбојка на завршниот турнир којшто годинава ќе биде одржан во Штип од 21-ви до 24-ти овој месец. На денешната ждрепка, струмичани за противник ја добија Лирија, а Работнички 71&22 ќе се сретне со домаќинот Штип УГД. За разлика од лани во Радовиш, во салата „Јордан Мијалков“ во Штип ќе учествуваат три нови тимови, затоа што сега меѓу четирите ги нема ГОК Борец, Шкендија и Универзитет во Тетово.
Кај дамите, ланските освојувачки од Работнички Скопје ќе играат со првопласираниот состав во првенството, Струмица жени, а минатогодишните финалистки од Наковски волеј ќе сервираат против Јанта волеј. Полфиналето кај одбојкарите е закажано за четврток (21-ви март), одбојкарките ќе играат ден потоа (петок 22-ри март), а двете финалиња се закажани за в недела на 24-ти, женското од 12, а машкото од 15 часот.
Полуфинале (мажи) – четврток 21.03.2024
17.00 Работнички 71&22 – Штип УГД
20.00 Лирија – Струмица 47&72
Полуфинале (жени) – петок 22.03.2024
17.00 Струмица жени – Работнички Скопје
20.00 Наковски волеј – Јанта волеј
Финале – недела 24.03.2024
12.00 Финале (жени)
15.00 Финале (мажи)
