Уште една одлична партија на нашиот репрезентативец Ненад Димитријевиќ во дресот на Уникс Казан. Денеска во натпреварот од 31. коло во ВТБ лигата против Енисеј, гостите од Казан славеа со 69:93, а Димитријевиќ со 14 поени му помогна на својот тим да дојде до новата победа со која го задржа првото место на табелата.
Нашиот репрезентативец помина 29 минути на паркетот реализирајќи 5/7 за два и 1/3 за три поени. Покрај тоа, Димитријевиќ имаше и 4 скока и дури 6 асистенции.
