Попладнево на Арената во Скопје се одигра последниот меч од 24.коло во ПМФЛ. Работнички – Струга ТЛ 1:2 е епилогот од овој супер интересен меч. Стружани и натаму покажуваат дека се најголемиот душман на Работнички, ова е нивни 18 меѓусебен меч и досега имаат само една победа, таа од пред четири години.
Со овие три бода сега шампионот како лидер му избега на Шкупи 3 бода а на Шкендија дури шест бода во битката за титулата.
Четата на стратегот Гоце Седлоски може и треба да жали. Уште еднаш одигра квалитетно, имаше безброј шанси, но Струга ТЛ на рутински начин дојде до победата што е одлика на големите екипи.
Инаку Работнички беше далеку подобар во првото полувреме, имаше и неколку шанси и два зицери, но сепак на пауза се замина со тие 0:0. Стојановски во два наврати, потоа Гандо исто во два наврати, но Ќосевски бранеше фантастично, едноставно беше херој и со своите одбрани просто ги фрустрираше домашните кои беа подобри во поле,но бадијала.
И како тоа е обично се случува во фудбалот казната стигна на дригата страна. Се играше 51.минута кога Радески со фантастичен гол и донесе водство на Струга ТЛ од 0:1.
Следуваа супер шансите на Гандо и Стојановски, овој вториот ја погоди и стативата, но се беше наплатено во 69.минута кога конечно Влатко Стојановски успеа да го совлада Ќосевски за 1:1.
Сепак, радоста на избраниците на Гоце Седлоски траеше само една минута, за да Компаоре фантастично избега, и му овозможи на Влајковиќ само да го потврди голот за ново водство на шампионот од 1:2.
Во самиот финиш по еден страшен старт меѓу Белица и Бојку дојде до потешки повреди па мораше да реагира и возилото на Брза помош по што ги однесе гостинскиот играч во болница.
Во 90+2.минута Ќосевски повторно на сцена, прво го одбрани ударот на Билали а потоа и на Регба.
Сепак овој меч заврши со тие 1:2 за гостите од Струга.
РЕЗУЛТАТИ ЗА 24.КОЛО
СИЛЕКС – БРЕРА 2:1
МАКЕДОНИЈА ЃП – ТИКВЕШ 1:0
БРЕГАЛНИЦА – ГОСТИВАР 0:0
ВАРДАР – ШКЕНДИЈА 1:1
ВОСКА – ШКУПИ 0:0
РАБОТНИЧКИ – СТРУГА ТЛ 1:2
ТАБЕЛА
Струга ТЛ 51, Шкупи 48, Шкендија 45, Силекс 35, Тиквеш 32, Гостивар 32, Брера 27, Работнички 27, Воска 27, Вардар 26, Брегалница 22, Македонија ЃП 21 бода
