Вчера беа комплетирани натпреварите од 8. коло во Втората фаза од натпреварите во домашниот одбојкарски шампионат во машка конкуренција. Вистински возбудувања донесе дербито во Тетово меѓу Универзитет во Тетово и Работнички, каде по пет сета, домашните на крајот ја освоија победата со 3:2 во сетови. Работнички кој двапати израмнуваше на крајот замина со еден освоен бод.
Во преостанатите два меча од плеј-офот видовме две доминантни и убедливи победи на фаворитите Струмица и Штип УДГ.
Во плеј-аут делот во скопското дерби меѓу Вардар и Јанта Волеј, тај-брејк сетот реши за победникот. Гостите дојдоа до победа и два бода во петтиот сет.
Прва лига (мажи), Втора фаза-1, 8. коло
Струмица 47&72 – Лирија 3:0 (25:17, 25:19, 25:16)
Весна Пробиштип – Штип УГД 0:3 (7:25, 5:25, 15:25)
Универзитет во Тетово – Работнички 71&22 3:2 (25:21, 18:25, 25:20, 22:25, 15:5)
ТАБЕЛА ПЛЕЈ-ОФ: 1. СТРУМИЦА (57); 2. Работнички 71&22 (43); 3. Штип УДГ (38); 4. Универзитет во Тетово (35); 5. Лирија (29); 6. Весна Пробиштип (21).
Прва лига (мажи), Втора фаза-2, 8. коло
Шкендија – Сушево 3:0 (25:10, 25:17, 25:6)
Македонија Џио – ГОК Борец 0:3 (21:25, 24:26, 20:25)
Вардар – Јанта волеј 2:3 (16:25, 19:25, 28:26, 25:23, 9:15)
ТАБЕЛА ПЛЕЈ-АУТ: 1. Шкендија (37); 2. ГОК Борец (32); 3. Сушево (20); 4. Јанта Волеј (15); 5. Македонија Џио (6); 6. Вардар (6).
