Раководството на Салернитана му врачи отказ на тренерот Фабио Ливерани откако тој успеа да освои само еден бод на последните пет натпревари со што тимот од Салерно е на 11 бодови од сигурната зона на девет кола до крајот.
Клубот има мали шанси за остане, а раководството одлучи да проба со нов тренер да ги заврти работите кон подобро. Италијанските медиуми пишуваа дека Пипо Инзаги ќе се врати во клубот за потоа да соопштат дека екс-тренерот барал гаранции дека ќе работи и идната сезона.
На крај клубот објави дека нов тренер е Стефано Колантуоно кој е четврти тренер сезонава по Пауло Соуса, Филипо Инзаги и Ливерани.
За Колантуоно ова е трет пат да ја предводи Салернитана. Првиот пат во сезоната 2017/18 и потоа во 2021/22.
Инаку Салернитана забележа само две победи сезонава и двете под водство на Инзаги. Новиот тренер ќе дебитира на 1 април против Болоња во гости.
