Екипата на Голден Стјет дојде до 36 победа оваа сезона, откако го совлада Мемфис со убедливи 137-116. За гостинскиот состав 47 пораз оваа сезона значеше и елиминација од сите шанси за пласман во НБА плеј-офот. Гризлис се 13-ти на Западот.
Куминга со 26 поени беше прв стрелец кај Голден Стејт, кој се наоѓа на десетата позиција во Западната конференција, зад него беше Томпсон со 22 поени и 10 скока. На другата страна 35-те поени на Џексон беа премалку за било што.
Феникс ја совлада Филаделфија со 115-102, а Кевин Дурент направи чекор напред на вечната листа на стрелци во НБА-лигата. Тој го прексокна Шекил О’Нил. Мечот го заврши со 22 поени и 8 скока, па сега има вкупно 28,610 поени.
“Well deserved. It doesn’t stop here… If anybody was gonna pass me, it was definitely gonna be you.”
🗣️ @SHAQ congratulates Kevin Durant on passing him on the @NBA all-time scoring list pic.twitter.com/PBHr84Jy0X
— Phoenix Suns (@Suns) March 21, 2024
Дурент се наоѓа зад легендите, Леброн Џејмс, Карим Абдул Џабар, Карл Мелоун, Коби Брајант, Мајкл Џордан, Дирк Новицки и Вилт Чембрлен.
Дербито во Источната конференција меѓу Бостон и Милвоки им припадна на Сетикси кои славеа со 122-119. Бакси на оваа средба не сметаа на својот најдобар кошаркар, Јанис Адетокумбо.
Резултати: Кливленд – Мајами 104-107, Детроит – Индијана 103-122, Бостон – Милвоки 122-119, Торонто – Сакременто 89-123, Оклахома – Јута 119-107, Голден Стејт – Мемфис 137-116, Феникс – Филаделфија 115-102, Портланд – ЛА Клиперс 103-116
