Македонската ракометна репрезентација денеска ќе ги дознае противниците во квалификациите за пласман на Европското првенство 2026 година кое ќе се одржи во Данска, Шведска и Норвешка.
Ждрепката ќе се одржи во Копенхаген, а стартува со почеток во 16:30 часот.
Македонија се наоѓа во вториот шешир заедно со Австрија, Црна Гора, Србија, Полска, Чешка, Ф.Острови и Грција, селекции кои нема да бидат во иста група со нашите ракометари.
Во квалификациите ќе учествуваат 32 репрезентации, а само 20 од нив ќе обезбедат место на ЕП 2026 година. Земјите ќе бидат поделени во осум групи по четири учесници, првите две селекции ќе обезбедат пласман на континенталното натпреварување, како и четирите најдобро третпласирани екипи.
Репрезентациите се поделени во четири шешири според соодветните машки национални тимови на ЕХФ рангирање:
Шешир 1: Германија, Шпанија, Унгарија, Хрватска, Исланд, Словенија, Португалија, Холандија
Шешир 2: Австрја, Црна Гора, Србија, Полска, Чешка, Македонија, Фарски Острови, Грција
Шешир 3: Босна и Херцеговина, Словачка, Белгија, Швајцарија, Романија, Литванија, Украина, Италија
Шешир 4: Финска, Израел, Естонија, Грузија, Турција, Луксембург, Косово, Латвија.
Ждрепката можете да ја следите на линкот во продолжение.
