Сосема очекувано, ракометарите на Вардар 1961 се третиот учесник на Ф4 турнирот од ракометниот Куп на Македонија. Во финалето во групата во Скопје, Вардар денеска високо и убедливо го совлада Голден Арт со 32:23 и си го потврди местото меѓу четирите најдобри екипи, кои ќе се борат за трофејот во Купот на Македонија.
Иако играа без неколку протимци, „црвено-црните“ уште на почетокот покажаа дека ќе ја оправаат улогата на фаворити. На пауза имаа 8 гола предност (17:9), а до крајот стигнаа и дфо поубедлив триум.
Со оваа победа, Вардар 1961 заедно со Тиквеш и Е. Пелистер се на Ф4 турнирот, а последниот полуфиналист ќе го даде подобриот од дуелот меѓу Бутел и Алкалоид.
