Се погласни се информациите дека Виктор Осимен во текот на летото ќе го напушти Наполи, што значи дека минатогодишниот италијански шампион ќе мора да бара негова достојна замена. „Газета дело Спорт“ информира дека има неколку кандидати за позицијата на Осимен, а најновите информации велат дека еден од нив е напаѓачот на Феенорд, Сантијаго Хименез.
Мексиканецот направи трансфер во Феенорд во 2022 година и игра фантастично. Во оваа сезона има 21 гол во 25 натпревари, а севкупно има 24 гола во 35 натпревари.
Неговиот трансфер би го чинел Наполи 50 милиони евра, но тоа не би било проблем бидејќи клубот би заработил многу повеќе од продажбата на Осимен.
Се споменуваат имињата на Џонатан Дејвид, канадскиот интернационалец од Лил чија цена е драстично помала бидејќи има договор до летото 2025 година. Се споменува и играчот на Болоња и холандски интернационалец, Џошуа Зирке но тој трансфер е помалку веројатен.
