Повеќе од јасно е дека Столе Димитриевски со своите фантастични одбрани во последните неколку години е клучниот играч во нашиот репрезентативен состав. Секогаш е на своето ниво, секогаш од него може да се очекува максимумот на голот, па така и утре на контролниот меч со Црна Гора во Анталија:
“За мене ова е специјален меч зошто токму против Црна Гора во Скопје го имав своето деби на голот на нашата репрезентација, тогаш победивме со 4:1 во таа 2015 година. Инаку јасно е дека Црна Гора е посилен тим од Молдавија. Мораме да бидеме посконцентрирани и пофокусирани за да дојдеме до победа. Често примаме голови во последните 15-20 минути, таа концентрација во финишот на натпреварите мора да биде на повисоко ниво. Создаваме шанси, но јасно е дека треба да се даде гол.Важно е јас и мојата одбрана да имаме чиста мрежа. За голот со Молдавија што да кажам? Тоа беше фантастичен гол, ретко убав, кој немам примено во последните неколку години“ посочи Димитриевски.
