Заврши првото полувреме од пријателската средба во Анталија меѓу Македонија и Црна Гора. Резултатот по тие 45,минути е 0:1. Стрелец беше Јоветиќ во 45.минута.
Македонија беше подобра во поле, посебно во првите дваесет минути. Четата на селекторот Благоја Милевски доминираше, имавме неколку закани и тоа преку Миовски, двапати преку Елмас, и Барди во два наврати се закани од далечина, но гол нема па нема.
Црногорците како да се ослободија од притисокот по таа 25.минута, покажаа дека знаат да играат добар фудбал, се обидоа во два наврати да го загрозат голот на Димитриевски, но безуспешно.
Мала мешаница во 35.минута која за среќа не се изроди во поголем инцидент. Бакиќ непотребно остро стартуваше врз Барди, Елмас изреагира, се вмеша и Савиќ. По се ова Бакиќ, Савиќ и Елмас добија жолти картони.
Во самиот финиш искусниот Јоветиќ ја искажа својата класа и постигна гол за 0:1. Со овој резултат се замина на пауза.
Goal: Stevan Jovetić | 🇲🇪 Montenegro 1-0 North Macedonia 🇲🇰 pic.twitter.com/ie6nhyzocw
— FootColic ⚽️ (@FootColic) March 25, 2024
