Ал Хорфорд со тројка на средината на втората четвртина му донесе предност на Бостон од 68-38 кај Атланта. Сите индикации беа дека Селтикс, најдобриот тим во НБА, кој победи на 20 од нивните последни 22 натпревари и доаѓаше во овој по серијата од девет победи, ќе ги скрши Хакс. Но, наместо катастрофа за домаќините, следеше нивен епски пресврт за победа од 120:118.
Топењето на предноста на Селтикси следеше кон средината на третата четвртина, кога Атланта намали на 78:75. Потоа првпат поведоа со тројката на Метјуз за 97:96 на 9,42 минути до крајот. Во последната четвртина Атланта ја носеше Богдан Богдановиќ. Капитенот на Србија погоди тројка за нова предност на домаќините, за која ништо не можеше да направи ниту одличното дуо Џејсон Тејтум – Џејлен Браун.
Атланта на тој начин го постигна најголемиот пресврт во сезоната и најголемиот пресврт во историјата на франшизата во ерата плеј-бај-плеј, односно од 1997 година. Во исто време, тие станаа само шестиот тим во НБА што успеа да се врати од голема негатива.
WHAT A COMEBACK 😱
After going down 30 to the 1st-place Boston Celtics… the @ATLHawks come ALL THE WAY back to pull out the W!
▪️ Largest comeback in the NBA this season
▪️ Largest comeback in Hawks franchise history (since tracked in 1997-98) pic.twitter.com/QifjNHKAwO— NBA (@NBA) March 26, 2024
Хантер со 24 поени и 7 скока беше прв стрелец кај победникот, зад него беше Богдановиќ со 22 поени и 4 тројки, Мареј со 19 поени и 15 асистенции. На другата страна Тејтум имаше 37 поени, додека Браун 24.
Резултати: Кливленд – Шарлот 115-92, Торонто – Бруклин 88-96, Њујорк – Детроит 124-99, Сан Антонио – Феникс 104-102, Хјустон – Портланд 110-92, Чикаго – Вашингтон 105-107, Денвер – Мемфис 128-103, Далас – Јута 115-105.
