Во четвртфиналето на АТП турнирот во Мајами, Бугаринот Григор Димитров постигна голем успех, го елиминираше вториот тенисер во светот, Шпанецот Карлос Алкараз. Димитров беше подобар со резултат 6:2, 6:4, а за рутинска победа му беа потребни само час и 32 минути игра.
Димитров моментално е 12. играч на АТП листата, а ова е негова најголема победа сезонава според пласманот на противникот. Тој во полуфиналето ќе ги одмери силите со Германецот Александар Зверев, петтиот играч во светот. Во второто полуфинале се среќаваат Русинот Даниил Медведев и Италијанецот Јаник Синер.
