Немаше голови во регуларните 90 минути па во судиското продолжение паднаа два, за на крајот реми меѓу Брентфорд и Манчестер Јунајтед во меч од 30 коло на Премиер лигата. Во 97 минута погоди Мејсон Маунт и Јунајтед поведе со 1:0 (ГОЛОТ ПОГЛЕДНЕТЕ ГО ОВДЕ). Се чинеше дека бодовите ќе заминат во Манчестер, следуваше напад на Брентфорд и изедначување. Кристофер Ајер се најде на вистинското место и ја смести топката во голот на „црвените ѓаволи“ (ГОЛОТ ПОГЛЕДНЕТЕ ГО ОВДЕ).
Брентфорд продолжува со мечеви без победа, па серијата сега изнесува седум натпревари. Во нив освои само два бода, против Јунајтед и против Челзи. Го држат 15-тото место на табелата со 27 бодови.
А Манчестер Јунајтед го запиша третото реми сезонава и е на шестото место на табелата со 48 бодови.
