Во мноштвото пресврти кои се случија денеска на европската сцена, попладнево со пресврт до победа дојдоа и фудбалерите на Тотенхем. На домашен терен во мечот од 30. коло, лондончани славеа со 2:1 против екипата на Лутон и дојдоа до 17-тата сезонска победа со која остануваат во ТОП 4 на табелата.
Лутон отвори уште во 3. минута со голот на Чонг, а Тотенхем чекаше се до 51. минута, кога Каборе со автогол ги врати домашните во игра за победа. Победата стигна во 86. минута, кога најдобриот фудбалер на домашните, Сон погоди за конечни 2:1.
Големо изненадување приреди Барнли кој си замина со еден бод од гостувањето кај Челзи. Иако двапати водеа, фудбалерите на Покетино на крајот мораа да се задоволат со само еден бод.
Челзи поведе со голот на палмер од пенал во 44. минута, а во првиот дел гостите останаа без Асињон кој заработи црвен картон. Исклучен беше и менаџерот на Барноли, Компани. Во вториот дел гостите израмнија во 47. минута со голот на Кулен, па Палмер со својот втор гол во 78. минута го врати домашниот тим во водство. Конечните 2:2 ги постави О’Ши во 81. минута.
Борнмут со 2:1 го победи Евертон, додека Шефилд Ј. иако водеше со 3:1, на крајот извлече само реми со Фулам 3:3. Нерешено заврши и дуелот меѓу Нотингем Ф. и Кристал Палас – 1:1.
