Богдан Богданови беше најефикасен на мечот меѓу Атланта и Милвоки, успеа да постигне повеќе поени дури и од Јанис Адетокумбо, но за жал тоа не беше доволно за нов триумф. Бакс победија со 122:113. Уште еднаш Атланта имаше одлична офанзивна вечер, но ништо не одбрани.
Капитенот на српската репрезентација постигна дури 38 поени со 10 скока и 4 асистенции, со шут од поле 12/23 и пет тројки. На другата страна во победничкиот табор Јанис беше најдобар со 36 поени, 16 скока и 8 асистенции. Крис Мидлтон постигна 21 поен и 6 скока и асистенции.
Bogi to CC Boom 💣 pic.twitter.com/R6jeNpilyK
— Atlanta Hawks (@ATLHawks) March 31, 2024
Во првиот вечерен меч Бостон Селтикс продолжи со одличните настапи и го совлада Њу Орлеанс Пеликанс со 104:92. Се разигра и Орландо победи со 118:88 против Мемфис.
