Манчестер Јунајтед во следните натпревари ќе има сериозни проблеми со одбраната. Лисандро Мартинез и Виктор Линделоф ќе бидат надвор од терените најмалку еден месец. 26-годишниот Аргентинец заработи повреда на потколеницата на тренинг. Линделоф се повреди на натпреварот со Брентфорд во саботата. И двајцата се надеваат дека ќе играат повторно пред крајот на сезоната. Последниот првенствен натпревар на „црвените ѓаволи“ е на 19 мај, но пет дена подоцна има финале во ФА Купот.
Мартинез има проблеми со повреди цела сезона. Тој пропушти четири месеци од кампањата по операцијата на стапалото и се врати минатата недела по двомесечно отсуство со проблем со коленото. Линделоф имаше и долго отсуство по операцијата во декември.
Man United dealt a double injury blow as Lisandro Martinez and Victor Lindelof are ruled out for at least a MONTH https://t.co/rMjI40IvWO
— Mail Sport (@MailSport) April 2, 2024
Овие повреди дополнително ја комплицираат ситуацијата на Ерик тен Хаг. Менаџерот на Манчестер Јунајтед не може да се потпре на Џони Еванс и Лук Шо, кои исто така се повредени. Рафаел Варан исто така има одредени проблеми но се очекува да биде достапен за утрешното гостување кај Челзи. На Стемфорд Бриџ најверојатно ќе биде партнер со Хари Мегваер. Тен Хег ќе мора да се потпре на оваа двојка во центарот на одбраната и за неделното дерби против Ливерпул.
