Денвер Нагетс на свој паркет го победи Сан Антонио Спарс со резултат 110:105 во уште еден натпревар за паметење од Никола Јокиќ.
Ниту младиот Французин Виктор Вембањама не му можеше ништо на српскиот кошаркар. Јокиќ на теренот мина неполни 38. минути. Погоди 18 шута од 32 обиди, а натпреварот го заврши со 42 поени, 16 скока и шест асистенции.
На Србинот му помогна Арон Гордон со 23 поени, а од друга страна, Вембањама имаше многу добар меч со 23 поени, 15 скока, девет блокади и осум асистенции, но со девет погодоци од 29 обиди.
Нагетс се на врвот во Западната конференција со уште шест натпревари во сезоната со скор од 53 победи и 23 порази, а вистинска битка за првото место имаат со Оклахома и Минесота кои се на скор од 52-23.
JOKIC FULLCOURT FOOTBALL PASS ON A DIME 🎯
Spurs-Nuggets | Live on the NBA App
📲 https://t.co/Njf3dISUNy pic.twitter.com/9XXL9T52G1— NBA (@NBA) April 3, 2024
Нов трипл-дабл забележа и Лука Дончиќ, кој ја продолжува борбата со Јокиќ за титулата најкорисен играч на сезоната.
Далас Маверикс синоќа беа поразени во Сан Франциско од Голден Стејт Вориорс со резултат 104:100, а Лука за 39 минути на паркетот постигна 30 поени, 12 скока и 11 асистенции.
На Мавс не им помогна ниту тоа што Кајри Ирвинг со 27 и Пи Џеј Вашингтон со 20 поени. Вориорс завршија одлична тимска работа и дојдоа до триумф предводени од Ендрју Вигинс со 23 поени.
Така заврши серијата од седум победи на тимот од Далас, а Мавс моментално се на шестото место во Западната конференција со скор 45-30.
Резултати:
Торонто – ЛА Лејкерс 111:1
Вашингтон – Милвоки 117:113
Мајами – Њујорк 109:99
Филаделфија – Оклахома 109:105
Минесота – Хјустон 113:106
Денвер – Сан Антонио 110:105
Јута – Кливленд 113:129
Голден Стејт – Далас 104:100
Сакраменто – ЛА Клиперс 109:95
