Фудбалската репрезентација на Камерун доби нов селектор. Станува збор за Белгиецот Марк Брис, откако договорот на претходниот тренер Ригоберт Сонг беше објавено дека нема да биде обновен.
Во тимот на Брајс се асистентите Јоаким Мунунга и Јанис Ксилурис. Од тамошната федерација не објавија на кој временски период е потпишан договорот.
Договорот на Сонг беше од март 2022 година и истече на 29 февруари оваа година. Досега за привремен селектор беше најавуван Пјер Вебо, чија задача беше да ја пополни празнината додека не се најде постојан тренер. Под водство на Сонг, Камерун го победи Бразил на Светското првенство во 2022 година во Катар, но тоа не им помогна да ја поминат групата. На турнирот на Африканскиот куп на нации кој заврши во февруари беа елиминирани во осминафиналето од Нигерија.
62-годишниот Брис за првпат во кариерата ќе води репрезентација. Досега тренираше главно клубови од Белгија и Холандија.
