Екипата на Воска Спорт е блиску до историското финале во Купот на Македонија, по денешниот триумф од 2:0 против Македонија ЃП во првиот меч од полуфиналето. Воска ги постигнаа двата гола во првото полувреме кога по заслуга на Георгиев ги постигнаа двата гола.
Во 38 минута на негова асистенција, со глава погоди Бајрами. Само две минути подоцна по грешка на фудбалерите на Македонија ЃП, Георгиев шутираше во мрежата на противникот.
Во вториот дел фудбалерите од Македонија ЃП заиграа нешто подобро, Златков и Ларсен имаа шанси но не ги искористија. Домашниот тим добро парираше и имаше свои шанси за да го зголеми резултатот но и тие не погодија. Резултатот остана истиот од првото полувреме. Воска со оваа победа се приближи до финалето на Купот.
Реваншот се игра во Ѓорче Петров на 17 Април.
