Фудбалерот на Арсенал, Александр Зинченко, би ја завршил својата фудбалска кариера и би заминал да се бори на фронтот за Украина во војната со Русија.
„Мислам дека одговорот е јасен: ќе одам да се борам“, одговори Зинченко.
Фудбалерот изјави дека има пријатели од школските години кои моментално се на фронтот.
„Тешко е да се прифати дека до неодамна бевме во исто училиште со нив. Игравме фудбал во училишниот двор или на стадион, а сега тие треба да ја бранат нашата татковина“, продолжи Зинченко.
„И да бидам искрен, тешко е да се прифати, но тоа е така. Не можеме да се откажеме. Знам дека некои луѓе веројатно мислат дека ми е многу полесно сега кога сум во Лондон, а не во Украина. Навистина се надевам дека оваа војна ќе заврши наскоро“, рече тој.
