Попладнево се одиграа пет средби од 28.коло во Бундеслигата. Секако дека во преден план е поразот на тимот на Томас Тухел, гигантот Баерн Минхен и тоа со 3:2. Што ли направи Тухел од овој Баерн?
Посебно ако се знае дека домашните за само една минута, во 50-51 постигнаа два гола за водство од 0:2 до 2:2.
Да водиш 0:2 и на крај да загубиш од Хајденхајм со 3:2, е тоа го може само тимот на Тухел.
Лајпциг на гости победи со 1:4 кај Фрајбург, а Елиф Елмас влезе во игра во 83.минута, значи и на овој меч Дијамантот не се наигра многу.
Леверкузен со 0:1 славеше кај Унион Берлин, со голот на Вирц, и сега има +16 пред Баерн и со тоа може уште во следното коло да ја официјализираат титулата.
Келн со два гола, во 91 и 92 минута успеа да го победи Бохум со 2:1. Мајнц со 4:0 го растури Дармштад.
