Брајтон – Арсенал 0:3 е епилогот од мечот кој требаше можеби да биде и дерби на колото во Премиерлигата, но не беше така. Составот на Микел Артета во целост ја покажа сета своја сила и кај квалитетниот тим на Брајтон победи со 0:3.
Сака од пенал во 33.минута го отвори резултатот, потоа на 0:2 зголеми Хаверц во таа 62.минута, за да конечните 0:3 ги постави Тросард во 86.минута.
Со овие три бода Арсенал е лидер на табелата со 71 бод пред Ливерпул и Сити кои имаат по 70, но “редси“ имаат меч помалку и тоа оној со Манчестер Јунајтед на “Олд Трафорд“.
