Фудбалерите на Наполи ја победија Монца на гостински терен со 4:2, во 31. коло од Серија А.
Натпреварот во Монца го одбележаа одлични голови и голем пресврт на гостите. Во првото полувреме видовме само еден гол за водство на домашните од 1:0.
Второто полувреме имаше „брутален“ почеток, па во рок од седум минути видовме четири гола со кои Наполи дојде до 1:3.
На ова Монца одговори со голот на Колпани во 62. минута , а конечните 2:4 ги постави Распадори во 68. минута.
Се уште актуелниот шампион на Италија сега е седми со 48 бодови, додека Монца е 11-та со шест бодови помалку.
