Познато е дека по завршување на средбата во Кавадарци меѓу Тиквеш и Брера, дојде до инцидент во кој учествуваа двајца играчи од двете екипи. Следуваше интервенција на полицијата, а по тој повод со заедничко соопштение на јавноста и се обратија и двата клуба, Тиквеш и Брера, кое ви го пренесуваме во целост:
„ГФК “ТИКВЕШ 1930”АД-Кавадарци и ФК “АП Брера”-Струмица со заедничко соопштение ја информираат јавноста после информациите за инцидентот помегу два фудбалери по натрпеварот од 26 коло од Првата Македонска фудбалска лига.
,,За жал вистина е дека после завршен натпревар, пред клубскиот автобус на Брера-Струмица дојде до непријатна сцена, по која двајцата фудбалери даваа изјава во полиција за случајот.
Како два фудбалски клубови кои негуваат дологодишно пријателство и соработка но и како градови Кавадарци и Струмица, осудуваме било какво недолично однесување, независно дали е вербално или физичко, посебно кога доаѓа од играчи фудбалери кои мора да бидат пример на младите и сите навивачи.
Ние како учесници во најмасовниот и најгледаниот спорт, ја имаме таа привилегија но и голема одговорност кон младите за нивното формирање и разбирање на спротот и тоа мора да го разберат сите кои се дел од фудбалот во Македонија.
За жал, во денешното општество каде вербалното и физичкото насилство понекогаш го превзема приматот, сакаме преку оваа заедничко соопштение да испратиме порака за заедништво, одговорност и да се радуваме на нови спротски настани во Кавадарци и Струмица“.
