Без разделба со тренерот Младен Жижовиќ заврши денот на одлуки во Шкупи каде има нервоза по слабите игри и резултати на екипата по кои се доведени во прашање и двете титули кои ги брка тимот од Чаир оваа пролет.
Првенствениот пораз од Брегалница во неделата го запали црвеното светло по кое имаше најави дека е можна смена на шефот на стручниот штаб. Жижовиќ останува затоа што турскиот спонзор Ајдин Олгун нема други и подобро решение во моментов кога се кршат коппшајата на двата фронта.
Во сабота е дуелот дома со Македонија Ѓ.П., а потоа е реваншот со Тиквеш во Кавадарци од ½ финалето во Купот по оние 0:0 во Скопје. Шкупи има играчка криза, но и само – 3 бода зад Струга, но продолжува со истиот тренер на клупата, а заклучокот од денот за одлуки со газдата е дека на Чаир е потребен квалитетен спортски директор кој ќе ги менаџира работите. Да потсетиме дека Жижовиќ еден период имаше и проблем со лиценцата и за неколку средби на клупата фиктивно седеше Зоран Штерјовски.
