Крилниот напаѓач на Лацио, Бразилецот Фелипе Андерсон е пред трансфер во тимот на Јувентус. Ова го соопшти Фабрицио Романо, повикувајќи се на свои извори. Се очекува 30-годишниот фудбалер да го напушти римскиот клуб како слободен фудбалер.
Андерсон досега ги одбиваше понудите за нов договор и се чини дека ќе бара нов предизвик на лето. Андерсон не е во добра форма оваа сезона. На 31 натпревар досега, крилниот напаѓач постигна само три гола и имаше шест асистенции.
Според Романо, Фелипе Андерсон веќе постигнал договор со раководството на Јувентус и договорот меѓу двете страни е само формалност.
