Ракометарите на Мулти Есенс и Голден Арт одиграа нерешено 30-30 во вистинска драматична завршница на дуелот во Автокоманда во рамките на плеј-аут делот од Суперлигата. Гостите имаа водство од еден гол во самата завршница, но Мулти Есенс постијано се враќаше и на крајот упорноста им донесе еден бод.
Димитар Узунчев со девет и Давид Димевски со осум гола беа најефикасни во домашниот тим, додека кај гостите Милошески и Шилегов постигнаа по осум гола.
Мулти Есенс со овој бод останува на петтата позиција со 14 бода, додека Голден Арт е шести со 10 освоени бода.
