Реал Мадрид и Манчестер Сити одиграа спектакуларен прв натпревар од четвртфиналето на Лигата на шампионите, кој заврши 3-3. Реваншот се игра на 17 април.
За играч на натпреварот беше избран Фил Фоден, кој постигна еден од трите гола на Сити, но зборовите на Гвардиола за еден играч на Реал сигурно ќе го обиколат фудбалскиот свет.
Кралевите имаат одлични поединци, а по вечерашниот дуел Гвардиола не се сомнева кој е најдобар. Тоа е искусниот Тони Крос.
🇩🇪 Toni Kroos vs Manchester City:
• 72 minutes
• 96% passing accuracy (most tonight)
• 11 passes into final third
• 7 recoveries
• 2 interceptions
• 2 ground duels won🎯 Master class ✨ pic.twitter.com/VXs4mzG9xb
— Madridista Zone (@MadridistaZN) April 9, 2024
„Тони Крос, ох Тони Крос. Тој ја движи играта на Реал онака како што може. Одигра фантастичен натпревар. Веќе по една минута на Бернабеу, натпреварот изгледаше како вечност. Беше тешко.
Добро се справивме што водевме двапати и не победивме. Имам премногу добро мислење за Реал за да мислам дека ќе дојдеме и ќе одиграме лесен натпревар. Ќе се обидеме се да решиме дома.
Ова е Реал. Бернабеу е посебен. Имаме добар резултат, а за седум дена нашиот стадион ќе биде распродаден. Треба да постигнеме гол, да си ја завршиме работата и да одиме во полуфиналето”, изјави Гвардиола.
Зборовите на Гвардиола за Крос не се изненадување со оглед на тоа што одличниот Германец со години е во своја класа и тоа го покажува сезона по сезона.
