ТФТ не ја повтори истата грешка од минатиот пат, од гостувањето кај Чаир си оди со победа од 72-83 за 1-1 во четвртфиналната серија на плеј-офот.
Тимот од Тафталиџе по првата четвртина водеше со 17-22, додека пак многу подобрата игра во втората четвртина му донесе позитива од 11 поени (32-43). На одморот ТФТ имаше сигурни 35-45, но не за долго. Неизвеноста се врати во третиот период, домаќинот со серија од 15-5 изедначи на 50-50, но тука застана. На другата страна гостите повторно се издигнаа на стартот на последната четвртина вратија пристојна разлика од седум поени (54-61), а потоа за кратко време запишаа двоцифрени 58-71. И покрај притисокот, кошаркарите на ТФТ одиграа стабилно и заслужено се радуваа.
Вертц постигна 26 поени, додека Зафиров имаше 16 поени и 7 скока кај победникот. На другата страна Галовеј имаше 21 поен.
