Двете македонски одбојкарски репрезентации за играчи до 18 години претрпеа убедливи порази во денешните квалификациски дуели за пласман на ЕП 2024.
Женската јуниорска репрезентација по вчерашниот пораз од Србија, денеска загуби во три сета и од селекцијата на Холандија. За разлика од првиот меч, денеска избраниците на Александар Митев одиграа послабо и во трите сета немаа никакви шанси против исклучително квалитетниот тим на Холандија.
(У18 – ЖЕНИ) / ХОЛАНДИЈА – МАКЕДОНИЈА 3:0 (25-11, 25-14, 25-20)
Ана Ѓорѓиевска и Ивана Милева со по 5 реализирани поени беа најефикасни во нашата селекција, која утре го завршува квалификацискиот циклус во Врњачка Бања со третиот меч во групата против селекцијата на Чешка.
Машката јуниорска репрезентација до 18 години тргна со убедлив пораз на квалификациите во италијансиот град Поликоро. Во дуел со домаќинот на турнирот, Италија, избраниците на Ванчо Санев беа убедливо поразени во трите сета.
(У18 – МАЖИ) / ИТАЛИЈА – МАКЕДОНИЈА 3:0 (25-11, 25-12, 25-12)
Тоше Ефремов со 4 поени беше најефикасен во нашиот тим, кој утре во 2. коло од квалификациите ќе игра со Израел.
