Фудбалерите на Аталанта синоќа остварија огромна победа на гостувањето кај Ливерпул. Тимот од Италија победи со 3:0 на „Енфилд“ и со тоа направи одличен резултат пред реваншот.
Тоа беше еден од најлошите натпревари на фудбалерите на Ливерпул откако тренер на овој клуб беше Јирген Клоп, а навивачите на овој клуб беа особено незадоволни од она што го гледаа.
По одличната партија која ја одиграа фудбалерите на Аталанта, никој од нив не можеше да очекува што ќе се случи на крајот од натпреварот.
Како што пренесуваат англиските медиуми, навивачите на Ливерпул, оние кои останале на стадионот до крајот на натпреварот им аплаудирале играчите на Аталанта.
Аплаузот за противничките играчи не е нешто што често го гледате насекаде во светот, вклучително и на „Енфилд“, но најдобро покажува како италијанскиот тим го одигра овој натпревар.
Голем број навивачи на Ливерпул предвреме го напуштиле натпреварот. Некои излегле на полувремето, но многу поголем број тоа го сториле кога нивниот тим го прими третиот гол.
Liverpool fans leaving Anfield after Atalanta scored their third goal 😲 pic.twitter.com/FtpHZTeCQd
— Pubity Sport (@pubitysport) April 11, 2024
Ливерпул сега има многу тешка задача пред себе следната недела, а тоа секако е да ја надмине негативата од три гола на гостувањето кај Аталанта.
