Попладнево се одиграа пет средби од редовното Бундеслигашко коло и повторно Елиф Елмас доби минорна минутажа за Лајпциг против Волфсбург во победата од 3:0.
Дијамантот влезе во игра дури во 86.минута и беше на терен едвај 10 минути.
Стрелци на головите за “биковите“ беа Олмо, Шешко и Опенда.
Баерн Минхен со 2:0 славеше против Келн и со тоа до утре ја одложи шампионската прослава во Леверкузен.
Гереро и Милер беа стрелците за “баварците“.
Дортмунд како гостин славеше со 1:2 во соседското дерби на гости кај Менхенгладбах.
Бохум одигра 1:1 со Хајденхајм. Интересно Шлотенберг беше стрелец на двата гола, прво си даде автогол а во последните минути успеа да израмни на 1:1.
Мајнц со 4:1 го победи Хофенхајм.
