Кошаркарите на Денвер Нагетс беа поразени од Сан Антонио Спарс со резултат 121:120 во претпоследното коло од регуларниот дел од сезоната на НБА лигата, со што повторо се најде на второто местоо на табелата во Западната конференција. Никола Јокиќ беше трагичарот на мечот, откако го промаши шутот за победа на десет секунди до крајот. Иако имаше одлична позиција, двократниот МВП на лигашкиот дел не успеа да погоди со што Денвер остана без триумф кај еден од најслабите тимови во лигата.
Јокиќ постигна 22 поени, со 12 асистенции и седум скока, а во тимот на Денвер најдобар беше Џамал Мареј со 35 поени. Виктор Вембањама беше најдобар поединец во победничкиот тим со 34 поени и 12 скока.
Кошаркарите на Атланта се поразени на гостувањето кај Минесота Тимбервулфс во вистинска драма која заврши со резултат 109:106. Во третата четвртина Минесота имаше +17, но Атланта се врати со голема серија и стигна до 80:80 во последните 12 минути. Таму дури во неколку наврати Хокс имаа и предност, но Минесота на крајот беше подобра и со тоа се израмни по бројот на победи со Денвер и Оклахома.
Кошаркарите на Далас беа најнепријатното изненадување синоќа, откако загубија дома од најлошиот тим во натпреварувањето Детроит Пистонс со 89:107. Далас на овој меч, сепак, шанса им даде на играчите од клупата кои без Дончиќ и Кајри Ирвинг не успеаја да го победат ни Детроит.
НБА РЕЗУЛТАТИ:
Филаделфија – Орландо 125:113
Вашингтон – Чикаго 127:129
Бостон – Шарлот 131:98
Кливленд – Индијана 129:120
Њујорк – Бруклин 111:107
Мемфис – ЛА Лејкерс 120:123
Мајами – Торонто 125:103
Минесота – Атланта 109:106
Оклахома – Милвоки 125:107
Сан Антонио – Денвер 121:120
Далас – Детроит 89:107
Голден Стејт – Њу Орлеанс 109:114
Портланд – Хјустон 107:116
ЛА Клиперс – Јута Џез 109:110
Сакраменто – Феникс 107:108
