Натпреварот од претпоследното коло во лигашкиот дел од НБА сезоната што го одиграа Лос Анџелес Лејкерс и Мемфис (123:120) го одбележа голем скандал кој беше забележан дури по крајот на натпреварот. Најдобрата светска кошаркарска лига мораше да ја признае грешката – мечот траеше 56 секунди подолго отколку што треба.
Проблемот настана доцна во третата четвртина, кога истече еден од нападите на Мемфис. Тогаш часовникот покажуваше 1:14 до крајот на четвртината, но времето мистериозно се врати на 2:20 и никој во салата не обрна внимание на тоа. Кошаркарите на двата тима продолжија да се борат.
Ова е еден од најчудните пропусти кои сме ги виделе во НБА во последните години, а многумина го сметаат целиот крај на сезоната нерегуларен поради овој детал. Работата да биде уште полоша, на 56 секунди до крајот на четвртата четвртина, Мемфис имаше еден поен предност, која Лејкерси успеаја да ја претворат во своја победа. Погледнете ја спорната ситуација:
За Мемфис овој натпревар немаше значаен резултат, бидејќи сите се простија од плеј-офот на почетокот на сезоната, но беше исклучително важен за Леброн Џејмс и неговиот тим. Лејкерси на самиот крај од сезоната се борат за најдобрата можна позиција пред плеј-инот.
REPORT: The NBA confirms the Los Angeles Lakers & Memphis Grizzlies played 13:06 minutes in the 3rd quarter last night 😳
When the shot clock was supposed to be reset at 1:14, the game clock was also accidentally reset to 2:20. No one noticed and they played the rest of the way… pic.twitter.com/X5a1BCJ3mF
— Courtside Buzz (@OfficialNBABuzz) April 14, 2024
