Кошаркарите на Оклахома Сити го освоија првото место во Западната конференција во НБА лигата, а Денвер Нагетс стартуваат од втората позиција во одбраната на шампионатот. Од трите екипи кои влегоа изедначени во последниот ден од сезоната, само Минесота загубија, завршувајќи на третото место.
Тие беа поразени од Феникс Санс, кои со тоа станаа последната екипа која обезбеди директен влез во плејофот од шестото место. Во тоа им помогна победата на ЛА Лејкерс во Њу Орлеанс, а овие два тима повторно ќе се сретнат во плеј-ин во битката за седмото место.
Тандер го потврди првото место со убедливата победа против резервниот тим на Далас, кој веќе беше безбедно петти. Денвер славеше против немотивираниот Мемфис, но Минесота не издржа и загуби на домашен терен од Феникс, а за „казна“ ќе игра против Санс во првото коло од плеј-офот.
Последната преостаната непозната беше кој ќе биде домаќин на натпреварот 9 и 10, а Сакраменто Кингс обезбедија водство пред Голден Стејт со победата над Портланд.
Резултатите:
Мемфис – Денвер 111:126
Оклахома Сити – Далас 135:86
Сан Антонио – Детроит 123:95
Сакраменто – Портланд 121:82
Минесота – Феникс 106:125
ЛА Клиперс – Хјустон 105:116
Голден Стејт – Јута 123:116
Њу Орлеанс – ЛА Лејкерс 108:124
Двојки за плеј-оф:
Оклахома Сити (1) – Плеј-ин 8
Денвер (2) – Плеј-ин 7
Минесота (3) – Феникс (6)
ЛА Клиперс (4) – Далас (5)
Двојки плеј-ин
Њу Орлеанс (7) – ЛА Лејкерс (8)
Сакраменто (9) – Голден Стејт (10)
загуби 7/8 – победи 9/10
