Денвер против ЛА Лејкерс или Јокиќ против Леброн. Ова ќе биде еден од дуелите во првата рунда во годинашниот плеј – оф во НБА на западот. Имено утринава Лејкерси во доигрувањето славеа против тимот на Њу Орлеанс со 110:106.
Леброн заврши со 23 поени, 9 скокови и 9 асистенции, додека бадијала беше одличната партија на Вилиамсон кај поразениот тим кој мечот го заврши со 40 поени и 11 скокови.
Инаку Њу Орлеанс сега ќе игра плеј – ин против Сакраменто кој пак во доигрувањето успеа да го елиминира Голден Стејс со 118:94.
Клеј Томпсон имаше неверојатено лоша шутерска ноќ. Упати 10 шута за тројка и не успеа да реализира ниту еднаш.
Дали ова е крај на големиот Голден Стејт, клуб кој што во изминатата деценија и повеќе беше главен фактор во НБА?
Се чини дека да.
