Македонската женска ракометна репрезентација на Европското првенство 2024 година ќе игра против Шведска, домаќинот Унгарија и Турција. Градот кој ќе биде домаќин на оваа група е Дебрецин, поточно Фокс Арената.
Македонија првиот меч го игра против Шведска на 28. ноември, два дена подоцна е дуелот со Турција, додека на последниот меч од групната фаза ќе се сретне со Унгарија (02.12.2024).
Првите две репрезентации од секоја група ќе обезбедат место во главната рунда, додека останатите две ќе се спакуваат. Покрај Унгарија, главен домаќин на ЕП 2024 година е Австрија, а ко-организатор е Швајцарија.
