Благодарение на автоголот на Досена во 87. минута (ВИДЕО), екипата на Јувентус се спаси од пораз на гостувањето кај Каљари во вториот меч од 33. коло на италијанската Серија А.
„Старата Дама“ беше во негативаи од 2:0 по првите 45 минути од средбата, но до крајот се избори за бод. Каљари успеа да поведе со голот на Гаетано од пенал во 30. минута, а со вториот гол од белата точка кој го постигна Мина во 36. минута веќе имаа предност и од 2:0.
Јувентус се врати во живот со голот на Влаховиќ во 61. минута, а упорноста да дојде до реми се исплатеше во завршницата кога домашните сами ја затресоа мрежата на голманот Скуфет.
Ова е веќе втор меч едноподруго кој Јуве го завршува нерешено, по минатонеделното реми во градското дерби со Торино. Инаку, во првиот денешен меч од ова коло, Лацио со минимални 1:0 славеше на гостувањето кај Џенова.
