Финскиот хокеар Александар Барков, центар на Флорида Пантерс и еден од најдобрите играчи во НХЛ, одговараше на прашања за официјалната веб-страница на американскиот клуб. Водителот го праша Барков со која позната личност би сакал да руча или пиво, а тој го избра најдобриот тенисер досега, според многумина, Новак Ѓоковиќ.
„Би рекол Новак Ѓоковиќ, но тој е веган, па не знам дали би уживал во храната. Веројатно би го земал со мене, но само на разговор“, вели Барков, вториот пик на 2013 година. Оттогаш е во редовите на „Панцерите“ за кои на 737 натпревари од најсилната хокеарска лига во светот постигна 266 гола и даде 445 асистенции. Барков важи за врвен центар кој игра и во двата правци, напад и одбрана.
🇺🇸 Barky would love @DjokerNole for lunch/ dinner for the good conversation 😉 pic.twitter.com/McZ71lB7gN
— TRAVEL&Sp🎾rts (@travel__Sports) April 19, 2024
Ѓоковиќ, рекордерот со 24 титули на најсилните тениски Гренд слем турнири, со 36 години се уште го држи првото место на АТП-листата. Во 2010 година почна да ја менува исхраната и се откажа од глутенот, млечните производи и рафинираниот шеќер, а ја намали и потрошувачката на црвено месо. Денес, тој консумира растителна храна, но наводно од 2022 година не е веган, туку вегетаријанец.
