Јувентус допатува во Рим со предност од 2:0 од првиот полуфинален меч од Купот на Италија, а работите за „Старата дама“ не одеа како што треба на реваншот. Лацио поведе со 2:0 по 49 минути и ги врати работите на почеток. Валентин Кастељанос ги постигна двата гола за римјаните на асистенција на Луис Алберто.
Во 81 минута во игра влезе полскиот напаѓач Арек Милик. По само 120 секунди и прв допир со топката постигна гол поставувајќи ги конечните 2:1 кои значеа и пласман на Јувентус во финалето.
А Јувентус во финалето ќе го чека подобриот од дуелот меѓу Аталанта и Фиорентина.
