Српскиот тенисер Новак Ѓоковиќ дури петти пат во кариерата ја доби наградата „Лауреус“ за најдобар спортист на светот, а при говорот посочи дека нема да застане тука. Видовме и дека со ваквата објава го „замрзна“ Рафаел Надал, а потоа проговори пред медиумите и најави уште неколку години во спортот.
„Не играм во Мадрид, се надевам дека следната година, бидејќи сум сеуште млад и имам уште многу време, ќе можам да играм. Сега го подготвувам телото за Ролан Гарос, Вимблдон, Олимпијадата и УС Опен, што е најважниот блок за мене, исто така, планирам да играм во Рим, оваа година не играв на моето препознатливо ниво“, рече Ѓоковиќ.
Српскиот тенисер ги пофали и младите асови Карлос Алкараз и Џуд Белингам кои исто така беа на церемонијата, а се осврна и на разговорот со неговиот најголем ривал Рафаел Надал:
„Имам голема почит кон Рафа, тој е добра личност и легенда на нашиот спорт. На почетокот на сезоната реков дека ќе го видам на неколку турнири и се надевам дека ќе играм против него барем уште еднаш во овој момент. Не знам што ќе биде во иднина, но тоа што го направи во кариерата како спортист е неверојатно. Тој направи многу со својата фондација каде што му помагаат сопругата и семејството инспирирал толку многу млади луѓе во светот“, рече Ноле.
