УЕФА ќе им дозволи на репрезентациите да ја прошират листата на фудбалери кои ќе патуваат на Евро 2024.
Според Sky Sports, делегатите на УЕФА во понеделникот гласале за проширување на бројот на играчи во националните тимови од 23 на 26 играчи.
На почетокот на април тренерите на репрезентациите се изјаснија за проширување на апликацијата за ЕП 2024. Иницијатива за таа цел беше предложена на состанокот одржан во Дизелдорф на почетокот на април.
Претходно, УЕФА им дозволи на селекциите да ја зголемат листата на играчи за минатото ЕП поради пренатрупаниот календар предизвикан од пандемијата со „Ковид-19“.
