Поранешниот германски репрезентативец, Марио Гомез откри дека го одбил Атлетико Мадрид во 2013 година и одлучил да игра за Фиорентина. Гомез се задржа во Фиренца од 2013 до 2015 година, а тогаш стигнаа до полуфинале на ЛЕ и до финале на Купот на Италија. Во 2020 година Гомез објави крај на кариерата.
„Се плашев од Диего Симеоне. Знаев дека мојот стил на игра не одговара на стилот на Атлетико. Чувствував дека нема да успеам таму. Потоа во Фиорентина ми покажаа дека сакаат да го симнат Јувентус од тронот со изградба на нов тим и нов стадион. Ми се чинеше одлично“, вели Гомез.
