Тренерот на Ливерпул во заминување, Јирген Клоп зборуваше за евентуалниот негов наследник, чие име многу се споменува во последните два дена. Станува збор за актуелниот тренер на холандски Феенорд, Арне Слот.
„Ова е најдобрата работа и најдобриот клуб во светот. Ако е изборот е Слот, тогаш ми се допаѓа начинот на кој неговиот тим игра фудбал и се што слушам за него како личност. Тој е добар тренер“, изјавил Германецот.
Главниот тренер на холандски Феенорд влегол во преговори со Ливерпул, но „црвените“ во моментов не можат да се договорат со Феенорд околу цената на обештетувањето за предвремен раскин на договорот на Слот.
