Тренерот на Рома, Даниеле Де Роси верува во шансите на неговата екипа да го предизвика и елиминира новиот германски првак Баер Леверкузен во полуфиналето на Лигата на Европа. Иако противникот е во рекордна серија од 46 меча без пораз, Роси е убеден во квалитетите на своите момци.
„Мораме да ги притиснеме и да ги натераме да се движат кога ја немаат топката“, изјави Де Роси. „Имаат многу добри играчи кои добро додаваат, имаат и опасни напаѓачи. Но, ако ја држите топката подалеку од нив, тие стануваат нервозни, губат рамнотежа и форма“, смета Италијанецот.
„Мораме да одиграме перфектно во двете фази, бидејќи ако не губат и секогаш израмнуваат во последните секунди, тогаш имаат нешто посебно“, смета Де Роси.
