Раритет во светски рамки е тренер на колото да биде еден брат, а играч на колото помалиот брат. И тоа од еден ист тим. Секако дека во мак – фудбалот тоа досега никогаш не се случило. Па, ете, денеска и се случи.
Според “СпортСпорт“ играч на колото е Даниел Мојсов од Тиквеш, а тренер на колото е Ѓорѓи Мојсов, исто од Тиквеш, и тоа по победата над Струга ТЛ. Даниел не само што постигна ефектен гол туку едноставно блескаше на теренот во дресот на кавадарчани.
Покрај него во тимот на 30.коло се и неговите соиграчи Стојкоски и Силва, потоа Алексовски и Гандо од Работнички, Илиески и Марушиќ од Воска, Кировски од Гостивар, Ристовски и Шушњара од Вардар, Аганспахиќ од Шкендија.
ИГРАЧ НА КОЛОТО
ДАНИЕЛ МОЈСОВ
Тим: Тиквеш
Роден: 25.12.1987 во Кавадарци
Кариера: Македонија ЃП, Вардар, Војводина, Бран, Лирс, Адана Демирспор, АЕК Ларнака, Брегалница, Тиквеш
