Денеска во Нион со ждрепка беа одредени новите квалификациски групи во категоријата до 19 години за претстојното ЕП 2025 година. УЕФА комплетираше 13 квалификациски групи, а Македонија се најде во групата „12“ заедно со репрезентациите на Словачка, Летонија и Луксембург.
Ова е прва фаза од квалификациите за пласман на ЕП кое ќе се одржи во Романија,
Вкупно 27 екипи ќе се пласираат во елитната рунда за пролетта 2025 година, што значи дека првите две најдобропласирани екипи од секоја од групите одат во елитната рунда од квалификациите, а таму ќе им се придружи и најдобрата третопласирана селекција од овие 13 групи, плус селекцијата на Португалија која ќе игра директно во елитните квалификации.
Квалификациите ќе се играат во три термини: 2–10 септември; 7–15 октомври; 11–19 ноември оваа година.
